Miisaaniyadda Qaranka Ee 2025
25 Jeeniweri 2025 waxa ay golaha wakiillada Jamuuriyada Somaliland ansixiyeen miisaaniyada qaranka ee 2025. Madaxwaynaha qaranka Cabdirahman Maxamed Cabdillahi Cirro ayaa wareegto summadeedu ahayd JSL/XM/GW/081-050/012025 ku dhaqangaliyey miisaaniyada qaranka.
Miisaaniyada Qaranka Qaybaha ay ka Koobantahay.
- Miisaaniyada Dawladda Dhexe
- Miisaaniyada Haaya’daha Madaxa-banaan
- Miisaaniyada Dawladdaha Hoose
- Mashaariicda Qaadhaan-Bixiyayaasha
Miisaaniyada sannadka 2025 wadarta guud ee isku gaynteedu waa 3,894,462,279,363 SLSH. Miisaaniyada dawlada dhexe ayaa ka ah miisaaniyada 2,575,931,251,888 SLSH. Miisaaniyada dawlada dhexe ayaa saamiga guud ee miisaaniyada uga dhiganta 66% iyada oo korodhay saami ah 1.80% isbedel ah. Miisaaniyada dawladdaha hoose oo u dhiganta 570,297,669,257 oo saami ahaan uga dhiganta miisaaniyada 15% ayaa sanadka hoos u dhac isbedel ah ku yimid -3.32%.
Odoroska Dhakhliga 2025
Odoroska dakhliga ee sannad-kan waxa wasaarada maaliyadu u astaysay in uu noqondoono 2,575 trillion (laba tiriiliyan, shanboqol iyo shan iyo todobaatan bilyan oo SLSH) Marka la eego wacdiga Somaaliland haatan ka jira waxa suuro gal ah in korodh iyo hoos kudhacba ku yimaadaan.
Hakad ku yimid isku socodka ganacsiga caalamiga ah, gubashadii suuqa waaheen, wajaale iyo colaadaha ka taagan deegaanka Sool ayaa dhammaantood caqabad hoos u dhac ah ku keeni kara odoroska dakhliga 2025.
Qaybaha Waawayn ee Dakhligu ka Imandoono
Ganacsiga caalimiga ah ayaa la rajaynaayaa in ay ka soo baxdo dakhli u dhigan 1.193,985,958,748 oo saami ahaan u dhiganta 47%, Cashuuraha iibka badeecada iyo adeega ayaa la rajaynaa in ay ka soo xaroodaan dakhli ah 510, 857,724,375 oo saami ahaan u dhiganta 20%, dakhliyada kale ayaa la odorasayaa in ay ka soo xaroodaan 650,826,143,531 oo saami ahaan u dhiganta 25%, Cashuuraha shaqaalaha dawladda iyo kuwa rayidka ah ayey ka soo xaroondoonaan 150,190,802,992 oo saami ahaan ah 6%, Macaash-macaashka ganacsiga iyo faa’iidada ayey iyagana ka soo xaroondoonaan 70,070,622,242 oo u dhiganta 3%.
Faahfaahin Goobaha uu Dakhligu ka Imandoono.
Dakhligu waxa uu ka imandoonaa 98% kastamada iyo cashuuraha beriga. Halka wasaaradaha iyo haayadaha kale uu ka imandoono 2%. Iyada oo dakhliga ugu badan uu ka imanayo kastamada iyo cashuuraha beriga ayaa saamiga kastamada ka imanayaa yahay 76% dakhliga dawladda halka 22% uu ka imanayo cashuuraha beriga
Odoroska Dakhliga ee Kastamada
Kastamada dakhligu ka imanayo ayaa ah 25 kastam oo ku yaala dalka. Odoroska dakhliga kastamada ayaa inta u gu badan ka yimaada kastamka Berbera oo saami ahaan ka imanaya 63.03% kastamka kala baydh ayaa la filayaa in uu soo xareeyo dakhli dhan 11.76%. Kastamka madaarka hargaysa ayaa ah ka seddexaad ee dakhli soo saarka kastamada ugu badan isaga oo la rajaynayo in uu soo saaro 7.80%. Kastamada boorame iyo Saylac ayaa ka noqondoona dakhliga kastamada 5.86% iyo 5.44%.
Miisaaniyadan ayaa la filayaa in ay soo xarooto iyada oo sida ku cad warbixinta miisaaniyadu ay ka saraynkarto ama ha hoosayn karto odoroska, marka la eego xaaladaha guud ee dalka ka jira iyo isku-socod-ka dhaqaalaha caalamka oo ay ku gadaamanyihiin dhibaatooyin.
