Waxa maanta la soo af-jaray khilaafkii maalimahan ka taagnaa shirgudoonka golaha, khaas ahaan guddoomiye ku-xigeenka koobaad iyo guddoomiye ku-xigeenka labaad. Md Siciid Mire iyo Cali Xaamud. Khilaafkan oo ahaa mid ka dhashay hab- maamulka oo labada mudane ay soo kala saareen laba warqadood oo xoghayaha guud ee golaha wakiillada ku saabsanaa. Labadaa warqadood, ayey midna ka joojinaysay shaqada xoghayaha midna lagu amray in uu shaqadiisa sii wato.
Arrimaha sida tooska ah ula xidhiidha khilaafka labada masuul lama faahfaahin illaa dhawrkii cisho ee uu taagnaa khilaafkoodu. Xubno ka tirsan xildhibaanada golaha ayaa masuuliyad iska saaray in ay soo af-meeraan khilaafka, kuwaas oo ugu dambayn xal ka gaadhay in ay dhameeyaan khilaafka labada masuul.
